“Сабантуй 2024”

Ҡармыш ауылында шаулап – гөрләп һабантуй байрамы үтте. Тантаналы сараға Ҡармыш, Сурай, Дим, Михайловка, Уваровка ауылдары халҡы йыйылды, алыҫ ерҙе яҡын итеп ауылдаштар ҡайтты. Илебеҙгә бәрәкәт теләп, ауылыбыҙ имам хатибы Тәлғәт хәҙрәт матур сараға фатиха бирҙе. Матур табындар ҡоролдо, бик тәмле былау бешерҙеләр, төрлө уйындар булды. Бик матур,бай йөкмәткеле концерт булды. Байрам юғары кимәлдә үтте. Һабантуйға килгән һәр кем ял итеп, күңел асты.